Esandako moduan, irailaren 12an sei partiduko jokatuko dituzte Iturripen, Pitxi Herreroren omenezko txapelketan: infantil mailako neskek (10:00), infantil mailako mutilek (11:15) eta kadete mailako neskek (12:30) Ordiziaren aurka jokatuko dute. Arratsaldean, berriz, beste hiru partidu: gazte mailako mutilak Elgoibarren aurka (16:00), gazte mailako neskak Ordiziaren aurka (17:30) eta senior mailako mutilak Gure Auzune taldearen kontra (19:30).
Topaketa berezia Segovian
Bestalde, joan den asteburua Nava de la Asuncion (Segovia) herrian pasatu zuten talde guztiek. Nava eskubaloi kluba 50. urteurrena ospatzen ari dela baliatu zuten arrasatearrek lagunarteko partiduak jokatzeko infantil, kadete eta senior mailetan, neska zein mutiletan. Emaitzaz harago, denboraldia prestatzen joateko norgehiagokak izan ziren; eta klub barruko harremanak sendotzeko ere balio izan zuen asteburuak. Aipatzekoa da da 3.000 biztanle baino gutxiago dituen Nava de la Asuncion herriko talde nagusia Asobalen ari dela lehiatzen, profesionaletan, estatuko eskubaloiaren maila gorenean.