Gizarteko zenbait gairekin kritikoa den umorea erabiltzen dute Juanjo Otero, Pako Revueltas eta Aritza Rodriguez antzezleek istorioa kontatzeko, eta antzinako Greziatik gaur egunera arteko denbora jauziak eginez eta abiapuntua historian zehar gutiziak ezaugarritu dituen pertsonaiak aurkeztuta, gaur egungo zeharkako hainbat gai jorratzen dituzte antzezlanean: esaterako, osasun publikoa negozio bihurtzearen kontzeptua, seguru pribatuen gainbehera eta gizartean irabazle izatearen kontzeptua.
Uztailaren 4an estreinatu zen antzezlana, Zarauzko Miren Etxabe plazan, eta, geroztik, Araban, Bizkaian eta Gipuzkoan izan dira antzezlana taularatzen.
Debagoienera, bigarrenez
Uztailaren 11n Bergaran izan ondoren, antzerki konpainiak Debagoienera egingo duen bigarren bisita izango da biharkoa. Eta, hain zuzen, Herriko Plazan izango da emanaldia, gaueko hamarretan.