Autoen erabilera saihestu asmoz, autobus zerbitzu publikoa indarrean egongo da abuztuaren 12an, eklipsea ikustera joateko. Avanza enpresak emango du zerbitzua eta joan-etorrirako aukera egongo da: Arrasate-Udala ibilaldia egingo du 18:00etatik 19:30era, eta Udala-Arrasate 20:30etik 22:00etara. San Frantzisko, Arimazubin eta Udalak egingo ditu geldialdiak.
Eklipse eguneko autobus zerbitzuak herri arteko zerbitzuaren tarifa izango du, eta Mugi txartelarekin ordaindu ahal izango da. Bestalde, Udalak ere eskatu du marra jarraitua dagoen lekuetan ez aparkatzea, eta ahal dela autobusez joatea, eklipsea ikustera.