Arrasateko Udalak bizikletak aparkatzeko gune berriak jarri ditu Musakolako kiroldegian, uda sasoian herritarren aldetik egon den eskari handiari erantzuteko.
Udalak ohar bidez adierazi duenez, gero eta gehiago dira Musakolako kiroldegira joateko bizikleta aukeratzen dutenak: "Azken egunetan, lehendik zeuden aparkalekuak bete egin direnez, Udalak gune berriak egokitu ditu bizikletak modu egokian lotu ahal izateko. Udalak eskerrak eman nahi dizkie mugikortasun jasangarriaren aldeko hautua egin duten herritar guztiei".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.