Joan den abenduan hartu zuen Mediaset España taldeko antena zuzendari kargua Unai Iparragirrek (Arrasate, 1973), eta zortzi hilabeteren ostean, kargua uztea erabaki du.
Ikasketaz ingeniaria eta aktorea, Arrasate telebistan egin zituen lehen urratsak ikus-entzunezkoen arloan eta gero ETBn aurkezle izatera pasa zen. Ostean, Londresen bizi izan zen urte luzez eta Discovery Channel-en aritu zen lanean. 2021ean itzuli zen Euskal Herrira, ETBko zuzendari izateko, eta joan den azaro amaieran utzi zuen kargu hura, hain zuzen, abenduan Mediaset Españan beste etapa bat abiatzeko.
Duela bi urte Ttap aldizkarian egin zioten elkarrizketa ikusgai, hemen. Arrasateko Mondragon Hotelean erantzun zituen galderak.