Avanza enpresako mekanikari bat kanporatu izana eta lan baldintzek oro har okerrera egin dutela salatzeko elkarretaratzea deitu dute gaur LABek eta ELAk Zalduspeko autobus geltokian. "Avanza enpresa etorri denetik gure lan baldintzek okerrera egin dute, eta bezeroek ere nabaritu dute. Nahikoa dela esateko elkartu gara gaur hemen", adierazi du LABeko delegatu Marijo Arzak.
Autobusen flota berritu dutela aitortuta ere, arazoak pilatzen jarraitzen dutela azpimarratu du Arzak: "Autobus berriak ere arazo batzuekin heldu dira eta lan baldintzak ez dira hobetu. Instalazioak ere zahartuta daude... Arazoak pilatzen ari zaizkigu, eta bezeroa badabil nabaritzen. Denontzat ari gara zerbitzu bat ematen, eta ez da kalitatezkoa". Azken kaleratze horren inguruan galdetuta, Arzak-ek adierazi du aurki izango dutela epaiketa: "Epaiketa prestatzen ari gara".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.