Bizitza osoa darama Azpiazuk eskubaloian, eta ia bi hamarkada presidente. Aitortzak "ezustean" harrapatu zuela aitortu duen arren, "oso pozik" jaso zuen Eskubaloi Federazioaren aintzatespena: "Duela urte batzuk, zilarrezko intsignia eman zidaten, eta ez nuen honako hau espero. Ederra da eskubaloiko jendearen errekonozimendua izatea; edozelan ere, zuzendaritza talde osoaren lana da hau".