Joan den larunbatean hasi zen 2026/2027ko infantil mailako denboraldia eta Arrasate Judo Elkarteko judokak maila gorenean estreinatu ziren Tortosan jokatu zen Espainiako Infantil mailako Superkopan. "Estatu osoko judoka indartsuenak biltzen dituen txapelketa denez, erronka handia zen, baina gure hiru kideek maila bikaina erakutsi dute", azpimarratu dute Arrasateko Judo Elkartetik.
Arrasateko taldetik Iker Aranegi, Ane Aranegi eta Nora Davila lehiatu ziren Tortosan, eta txapelketa "borobila" izan zela adierazi dute: Iker Aranegik txapelketa irabazi zuen bost borrokaldi irabazi ondoren; Ane Aranegik hirugarren postua erdietsi zuen lau borrokaldi irabazita; eta, Nora Davilak hiru garaipen jarraian egin ondoren finalerdia galdu zuen, eta ezin izan zuen hirugarren postuko borrokaldia irabazi.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.