Euskara ikasteko edo hobetzeko asmoa duten herritarrek zabalik dute aurrematrikula egiteko epea udal euskaltegian. "Aurrematrikula egiteak bi abantaila ditu: alde batetik, ekainean edo uztailean izena emanez gero, %10eko deskontua izango dute eta, bestetik, aurrematrikula eginda dutenek lehentasuna izango dute taldeak osatzeko orduan; beraz, errazago izango dute nahi duten erritmo eta ordutegian aritzea".
Azaldu dutenez, 2026-2027 ikasturtean Euskara Bonua jarriko dute martxan, hasierako mailetarako: "Udal Euskaltegian bertan informazioa eskatzeko gomendatzen dugu; izan ere, kasuaren arabera, abantaila ekonomiko handiak egon daitezke".
Horretaz gain, gogoratu dute maila guztiak eskaintzen dituzte "Erritmo desberdinetan, eta, aurrez aurreko ereduaz gain, autoikaskuntza ere badugu ordutegia euskaltegikoarekin uztartu ezin dutenentzat".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.