Asteburu berezia ari da izaten hau Doke Antzerki Eskolako ikasleentzat, ikasturtean zehar ikasitakoak praktikan jarri eta jendaurreko emanaldiak egiten ari direlako.
Eskolako helduenak, 14 eta 19 urte bitarteko hamabost gazte, inguru izan ziren atzo Amaia Antzokian lehen emanaldiak egin zituztenak. Bi taldetan banatuta, biek ere Maxi de Diegok idatzitako obren moldaketak antzeztu zituzten.
Badaezpada taldekoek Arraroak antzezlana eskaini zuten, besteak beste osasun mentala, aurreiritziak, maitasuna… bezalako gaiak lantzen dituena. Katezoro taldekoek, bestalde, Historia klasea obra antzeztu zuten, obra antimilitarista eta bakezalea.
Doke Antzerki Eskolako irakasle Maider Alzelaik ikasleek egindako lan ona goraipatu du: "Oso ondo ikusi ditu, sekulako lana egin dute". Katezoro taldekoek, gainera, ekainaren 18an Donostian egingo dute 37. Gazteen Antzerki Topaketan parte hartuko dute Historia klasea obrarekin.
Gaur, gehiago
Gaur, zapatua, Doke Antzerki Eskolako gazteenen txanda izango da eta 16.30etatik aurrera, Hesien atzeko hotsak, Kukubel eta Eulien bazka obrak antzeztuko dituzte JAMEko agertokian.