Big Band eguna ezin hobeto hasi dute Arrasateko Zaldibar frontoian. Eguerdian jendetza batu da, 25 urte bete dituen Arrasate Musikal Big Band taldearen, etxeko bandaren eta Gasteizko Big Band Berri taldearen emanaldia jarraitzeko, eta arratsaldean, Arrasateko gazteen eta Bartzelonako Blues Big Band taldeen txanda izan da, Mondragon Hotelean.
Arratsaldeko saioa hasi aurretik, Musikos Sin Fronteras erakundeak kamiseta berezi bat eman dio Arrasate Musikal Big Band eta gazteen taldeko zuzendari Zigor Martinezi erakundearekin izandako harremanagatik eta errekurtsoak ez dituztenendako musika-tresnen bilketan eta musika-ikasketekin egindako laguntzagatik, eta ondoren, musikari guztiek biolin berezi bat sinatu dute, gero, beste 500 biolinekin batera, Mexikora bidaltzeko.
