Partiduaren hasiera parekatua izan da, eta etxekoei kosta egin zaie puntuak lortzea lehen zatian. Hala ere, baloiarekin iniziatiba gehiago erakutsi dute une askotan, eta pixkanaka neurketaren kontrola bereganatzen joan dira. Aldageletara 20-10 emaitzarekin joan dira. Bigarren zatian, aldageletatik indarberrituta atera dira Joseba Zabalak zuzendutako jokalariak, eta hasieratik markatu dute erritmoa.
Neurketa borobiltzeko, azken minutuan entsegu bat egin dute etxekoek, zaleen gozamenerako, eta horrela itxi dute 37-10eko garaipena. Emaitza horri esker, Geurea RTk Zarautzen jokatuko den finalerako txartela eskuratu du; han Gaztedi izango dute aurkari.