Eguneko protagonistetako bat izan da Al-Andalusen sevillana eskola, azken hilabeteetan prestatutako dantzak taularatu baititu. Txalo artean hartu dituzte dantzariak, eta bereziki hunkigarria izan da elkartearen lehen urteetako Sueños de Andalucía taldeko hainbat kideren itzulera. Garai batean nerabe ziren haietako asko gaur egun ama dira, eta asteotan berriro elkartu dira emanaldia prestatzeko.
Ikuskizunaren ostean, bazkari herrikoia egingo dute elkartean, Aste Kulturala ospatzen jarraitzeko. Bihar aste kulutraleko ospakizunekin jarraituko dute, besteak beste, parrillada herrikoia egingo dute Al-Andalus elkartean. Elkarteko arduradunek herritar guztiei egin diete bertaratzeko gonbita, azken urteetako egitaraurik zabalena prestatu dutela azpimarratuta.