"Nortasun propioa, benetakotasuna eta zuzeneko musikareki- ko grina" duten artisten aldeko apustua egiten jarraitzen du Arrasate Blues jaialdiak; hori horrela, "Europako bluesaren ahots oparoenetako bat den" Stefano Barigazzi siziliarra gonbidatu dute bihar, egubakoitza, Arrasateko Aterpe tabernan, 23:00etan hasita, antolatu duten kontzerturako.
Hirukote formatuan egingo du emanaldia, eta Fabio Bianchi sousafoi-jolea eta Toby Glaser bateria-jolea izango ditugu lagun.
Blues tradizionalarekin eta roots music amerikarrarekin lotura estua duten musikarien belaunaldi berriko kidea da Barigazzi abeslaria eta gitarra-jolea. "Hurbiltasuna, freskotasuna eta publikoarekin konektatzeko pasio kutsakorra ditu ezaugarri", diote antolatzaileek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.