Arrasatetik 09:00etan irten dira eta, 10:30ean, Logroño pasata, La Pausa atsedenlekuan gelditu dira mokadutxo bat egiteko. 11:00etan, Arnedora abiatu dira, eguerdi aldera iristeko. Oinetako fabrika bat bisitatu dute eta denbora librea izan dute herrian zehar buelta bat egiteko, dendetan begiratzeko eta trago batzuk hartzeko. Arnedotik 14:00ak aldera irtenda, 14:30ean Calahorrako Zenit Hotel jatetxe berrian bazkaldu dute.
Eta, postrearen ondoren, ohitura den bezala, dantza saioa izan dute 17:45ak arte, eta 18:00ak aldera, Arrasatera abiatu dira. Txalo zaparrada batekin eskerrak eman dizkiete antolatzaileei.