Arrasateko Udalak Estresa kontrolatzeko estrategiak izeneko tailerra antolatu du. Etxeko eta zaintza arloko langileei zuzendutakoa da, eta euren zereginetan "lagungarri" izango diren tresnak eskaintzeko helburuarekin antolatu da ZainSare programaren baitan. Zapatu honetan –maiatzak 9– egingo da tailerra, 15:00etatik 18:00etara.
Autozainketari eskainitako saio berri hau, Eusko Jaurlaritzako Ekonomia, Lan eta Enplegu Sailarekin eta Home Care Lab (Grupo SSI) taldearekin elkarlanean burutuko dute. Tailer honekin, "Arrasateko Udalak zaintzaileen lanak duindu eta haien bizi-kalitatea hobetzeko duen konpromisoa berretsi" egiten duela adierazi du Udalak.
Tailerra, SSIren egoitzan egingo da (Iturriotz kalea, 21). Parte hartu gura dutenek Judit Garciari deitu beharko diote 747 42 58 56 telefonora.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.