Proiektu "bitxi" bat du orain esku artean: Gaztelupeko Hotsak zigiluarekin argitaratu berri duen Lagunak Sessions izenarekin sinatu duen Catalunya Harmonica Summit diskoa, hain justu.
Harmonika, protagonista
Izenburuak adierazten duen moduan, Kataluniako eszenako blues, R&R eta country musikariek interpretatutako doinuak batu ditu Javier Laguna ekoizle exekutiboak Michael Solvesek eta Greg Izorrek grabatu duten lanean.
Hamabi kantuk osatzen duten bilduma kolektiboa da eta honako musikari hauek biltzen ditu: Marta Suñe; David Sanchez Farras; M.A. Lonesome; Victor Puertas; Johnny BigStone; Oscar Rabadan, Reginal Vilardell, Jordi Abad eta Greg Izor. "Chicagotik Austinera, New Orleanstik Mississippira eta Bartzelonara eroaten gaituen bidaia zirraragarria da", azaldu dute egileek.