Datorren martitzenean, apirilaren 28an, Tratado de Invisibilidad dokumentala eskainiko dute Amaia Antzokian, 19:30ean. Lucia Kaplanak zuzendutako ikus-entzunezkoak Amnesty International Saria eskuratu zuen Donostiako Giza Eskubideen Zinemaldian, eta epaimahaiaren iritziz, "filmak agerian uzten du, zorroztasun estetikoz eta zinema-maila handiz, emakume horien esplotazio egoera eta euren eskubideen urraketa".
Harreman Denda eta Harreman GKEren ekimena izan da, Arrasateko Emakume Txokoa, Arrasateko Udala eta Amnesty Internationalaren laguntzarekin, "emakume langile ikusezinak ikuserazteko". Dokumentalaren proiekzioaz gain, zine-foruma ere izango da, "bertatik bertara egoera ondo ezagutzen duten bi emakumerekin". Izan ere, Marisa Palomok eta Carmen Herrerok, Gipuzkoako garbiketa sektoreko ordezkari sindikalek, garbiketako langileen baldintzei buruz hitz egingo dute.