Datorren eguenean, apirilaren 23an, Bizkaiko Sua taldea gaztetxeko oholtza gainera igoko da, Kooltur Ostegunak ekimenaren baitan. Apirileko egitarauari dagokionez, Olaia Inziarteren atzoko kontzertua bertan behera geratu ondoren, Kooltur Ostegunetako hileko lehen kontzertua izango da hurrengo astekoa. Beti bezala, gaueko hamarretan hasiko da, eta sarrerak zazpi eurotan egongo dira salgai.
Taldeak joan den azaroan argitaratu zuen hamar abestiz osatutako Bide ilunek argitzen zuten dena deituriko azken diskoa, eta, abendutik hona egindako zortzi kontzerturen ostean, lana aurkezteko biraren azken kontzertua izango da Arrasatekoa. Taldearen hirugarren diskoa da, aurreko bien –Ordu beltzak eta Gorde genituen beldurrak– jarraipena eta zirkulu baten itxiera, hain zuzen ere.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.