Lanen barruan, egoera txarrean dauden 86 metro koadroko galtzada-harri eta lauza azalera harrotu eta garbituko da. Ondoren, zorua berritu eta pieza berriak jarriko dira, zuntzezko morteroak erabiliz egitura sendotzeko. Horretaz gain, beste 35 metro koadrotan junturak garbitu eta berriz beteko dira.
Eragina zirkulazioan eta garajeetan
Obrak gauzatzeko, ezinbestekoa izango da Zerkaosteta kalea trafikoarentzat itxi eta ibilgailuen pasoa mugatzea. Ondorioz, garajeetarako sarbidea ere itxita egongo da lanek iraun bitartean. Garajeetako jabeei eragindako eragozpenak gutxitzeko, Udalak Biteriko parkingean aparkaleku bat eskainiko die kaltetutako egoiliarrei obrak amaitu arte. Lanak lau aste inguruko iraupena izango dute, eta maiatzean bukatzeko aurreikuspena du Udalak. Halaber, Udalak eskerrak eman nahi dizkie herritarrei euren pazientziagatik, herriko kaleak seguruagoak izatea helburu duten hobekuntza hauek egiten diren bitartean.