Eduki hau partekatzeko esteka arbelera kopiatu da.
Asteburu oparoa izan du Ointxapeldunak taldeak, Iturripen jokatutako bi partiduetan. Lehen neurketan, mutilek partida oso lehiatua jokatu zuten Baskoniaren aurka, baina azkenean gasteiztarrak nagusitu ziren 35-39 emaitzarekin. Bigarren partidan, berriz, neskek garaipena eskuratu zuten azken segundoetan erabakitako norgehiagokan: 21-19. Argazkiak: Angel Ayastui.
Bi partidak oso parekatuak izan ziren, eta emaitzaz harago, jokalariek nabarmendu dute bizitakoa izan dela garrantzitsuena. Iñaki Ogara Arrik entrenatzaileak azaldu duenez, "emaitza gutxienekoa da; jolastea, parte-hartzea eta elkarbizitza dira benetan garrantzitsuak", eta esperientzia "oso aberasgarria" izan dela gaineratu du.
Aurrera begira, Aste Santuaren ostean hitzordu gehiago izango dituzte: lehenik Bilbon jokatuko duten txapelketa inklusiboan parte hartuko dute, eta ondoren Santanderrera joango dira beste txapelketa batera.