Mondragon Unibertsitateko Software eta Sistemen Ingeniaritza Taldeak garatutako robota da Isiar eta ikerketarako erabiltzen dute. Hainbat dantza egin ditu berotzeko, ekimenari hasiera eman aurretik, eta irribarrea sorrarazi die elkartutakoei. Ondoren, lehen metroetan eraman du lekukoa.
MGEP, Lagun Aro EPSV, Ikerlan, Laboral Kutxa, MONDRAGON Korporazioa eta Osartenek lankidetzan antolatu dute Arrasateko Olandixo auzoan dauden sei kooperatiben arteko Korrika, aurreko edizioei segida emanez.
Lekukoa eskuz esku eraman dute, lehenengo aldapan gora, eta gero, behera. Amaieran
mezua irakurri eta elkarrekin berreskuratuko dituzte indarrak, mokadutxoa eginez.