Gipuzkoako Foru Aldundia mantentze-lanak egiten ari da GI-2620 errepideko instalazioetan. Egin beharrekoen artean Olandixoko tuneleko irudiak hartzeko sistemaren eguneratzea dago eta ondorioz tuneleko zirkulazioa erabat moztea ezinbestekoa da.
Mozketak igande gauean eta astearte gauean egingo dira, 23:00etatik 4:45era. Eta, ordezko bide gisa, GI-2620 errepidearen zeharbide zaharra erabiltzea gomendatzen da, Mugarrietako eta Markuletako biribilguneen artean. Goizeko 4:45etatik aurrera errepide osoa irekiko da zirkulaziorako.