Arratsaldeko hamabi eta erdietan hasiko da ekitaldi hori, eta, Mikel Markiegik zuzenduta, lau piezako errepertorioa eskainiko du bandak. Hain zuzen ere, Jose Franco konpositore zaragozarraren Aires vascos Nº2, Pablo Sorozabal donostiarraren Katiuska (Segunda fantasía), Martin Schwarz austriarraren Bonaparte eta Jerry Nowak estatubatuarraren Andrew Lloyd Weber: A Symphonic Portrait –konpositore estatubatuarraren abesti ezagunenen bilduma–.
Kontzerturako sarrera doakoa izango da, eta Amaia Udal Antzokiko leihatilan eskuratu ahalko da egunean bertan, goizeko hamaika eta erdietatik aurrera.
Aurretik, kalejira
Kontzertua hasi baino ordubete lehenago, berriz, goizeko hamaika eta erdietan, Maalako errebaletik abiatuta, Markiegik zuzendutako bandak kalejira egingo du herriko kaleetan, eta, besteak beste, Amaika Gazte elkarte gastronomikoaren ereserkia interpretatuko dute.