Hirigintza genero-ikuspegitik aztertzeko prozesuaren emaitzak aurkeztu ditu Arrasateko Udalak

Azterketarako Arrasate lau eremutan banatu dute, auzoen ezaugarrien arabera, eta hainbat erronka identifikatu dituzte: segurtasun-pertzepzioa hobetzea, espazio publikoan pertsonen autonomia handitzea, erabilera eta pertsona aniztasuna sustatzea, aisialdirako eta jarduera fisikorako gune seguruak sortzea, berdeguneetara sarbidea erraztea eta mugikortasun aktiboa indartzea. Horretarako, herri mailako neurriak eta auzo mailako ekintzak proposatu dituzte, baita sentsibilizazio-kanpainak ere, indarkeria matxistari aurre egiteko eta espazio publikoaren zaintzan herritarren parte-hartzea sustatzeko.

Azterketa teknikoa eta parte-hartzailea izan da, eta hemendik aurrera udalarekin eta herritarrekin batera helburu estrategikoak eta ekintza zehatzak zehazteko oinarria izango da hau.