Egunero "sei edo zazpi" tortilla saltzen dituzte Ezkiña tabernan: "Asteburuan gehiago saltzen dugu, eramateko ere egiten ditugu-eta". Ondojan.com atariko kazetari Josema Azpeitiak sare sozialetan adierazi duenez, "eguneroko lanaren emaitza" da: "Tortilla etengabe probatuz, esperimentatuz, ikasiz eta, batez ere, behatuz eta entzunez. Izan ere, Asierrek ez du bere teknikak soilik bere tabernan lantzen; astez aste beste tabernetara joaten da haien tortillak probatzera, beste sukaldariekin hitz egitera, ideiak partekatzera… eta gero praktikan jartzera. Asier tortillaren gladiadorea da: inoiz ez du uste bere elaboraziorik onenera iritsi denik, eta egunez egun hobetzen saiatzen da".
Gasteizko Sagartoki jatetxeak lortu zuen txapelketako sari nagusia; hirugarren saria, ostera, Ormaiztegiko Arantxa tabernak eta Getxoko El Atriok jaso zuten, ex aequo.
