Arrasate Judo Elkarteko infantil mailakoen lan txukuna Gipuzkoako txapelketan

Jokin Bereziartua Lizarazu 2026ko martxoaren 9a

Lau borrokalari, dominekin. Argazkia: Arrasate Judo Elkartea.

Martxoaren 8an bukatu zuten Arrasate Judo Elkarteko infantil mailako borrokalariek Gipuzkoako txapelketa. "Hiru jardunaldi gogor izan dira. Ia denak dira lehen urtekoak eta txapelketa gogorraren aurrean lan txukuna egin dute; erdiek lortu dute domina eta Euskadiko eskolarteko jokorako sailkapena". Euskadiko txapelketa martxoaren 28an jokatuko dute. 

Arrasateko klubeko borrokalarien artean honako hauek lortu dituzte dominak: Nahia Domingos (urrea), Nora Davila (zilarra), Ane Aranegi (zilarra), Aimara Beraza (brontzea) eta Iker Aranegi (brontzea). Honako borrokalari hauek ere hartu dute parte: Aner Horrillo, Oihan Castillo, Hodei Ramos, Ibai Marzana eta Maialen Bergara. 

Alebinen eta kadeteen ordua izango da datorren asteburua; alebinek bi jardunaldi eta finalak edukiko dituzte fase ezberdinetan eta kadeteek dena jokatuko dute domekan, jardunaldi bakarrean.

 

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak