Gipuzkoako Foru Aldunditik jakinarazi dutenez, Olandixoko tunela itxi egingo dute bost gautan, martxoaren 8tik 9rako gauean hasi eta martxoaren 12tik 13rako gauera bitartean. Mozketak 23:00etan hasiko dira gauero, eta 04:45era arte iraungo dute; denbora tarte horretan ezingo da erabili GI-2620 errepidea Mugarrietako biribilgunearen eta Markuleteko biribilgunearen. Ordezko bide moduan, bost gau horietan zeharbide zaharra erabiltzea gomendatu dute Aldunditik.
Azaldu dutenez, egokitze lanak egin beharra da Olandixoko tunela bere barnean hartzean duen errepide zati hori ixteko arrazoia; horien artean, tuneleko irudiak hartzeko sistemaren eguneratzea.