Ekitaldian ia pelotari guztiak izan dira, tartean Debagoieneko hainbat ordezkari: Arrate Bergara bergararra, Irati Betegi aretxabaletarra eta Maddalen Etxegarai oñatiarra, besteak beste.
Aurkezle lanetan Iker Amarika zuzendaria aritu da, eta hainbat babesle ere bertan izan dira: Miren Elgarresta Emakundeko zuzendaria, Maider Morras Arrasateko alkatea, Arantzazu Rojo Eusko Jaurlaritzako ordezkaria eta Alaitz Badiola pilotaria ohia, besteak beste.
Hitzartze guztietan ideia bera nabarmendu dute: emakumeek pilotaren munduan izan duten bilakaera nabarmena azken hamar urteotan. Hasierako urrats ausart haiek gaur eguneko egoerara eraman dutela azpimarratu dute, eta ibilbide hau hasi besterik ez dela egin gaineratu. Antolatzaileek eskerrak eman dizkiete urte hauetan bidelagun izan diren erakunde, babesle eta zale guztiei.