Taldeko beste atletek lortutakoari dagokionez, 20 urtez azpiko lehiaketan Lander Lanzosek bederatzigarren amaitu zuen 2:05:45eko kronoa ezarrita. Harriet Arregik kategoria berean, zortzigarren amaitu zuen 1500 metroko lasterketan, 4:17:46ko denborarekin. 16 urtez azpiko txapeletan ostera, Sara Hierro aritu zen lehian.
Eskolarteko Kirol Jokoak, Atxabalpen
Bestetik, domeka honetan, Arrasate Atletiko Taldeak, Euskadiko Eskolarteko Kirol Jokoak ekimenaren 43. edizioa antolatuko du Atxabalpen. Gipuzkoa, Bizkaia eta Arabako taldeetako atleta gaztetxoek hartuko dute parte bertan. Arrasate Atletiko Taldetik Nile Agirretxe, Alaitz Berasaluce, Anne Arrieta, Jule Galdos, Irati Regodesebes eta Ilargi Abasolok lehiatuko dute infantil kategorian. Hona hemen Atxabalpeko lasterketen ordutegia:
- 11:00etan: infantil mutilak.
- 11:20an: infantil neskak.
- 12:00etan: sari banaketa.