Eduki hau partekatzeko esteka arbelera kopiatu da.
Gaur, otsailak 18, hasi dira asfaltatze lanak Arrasateko Aragoa kalean, zehazki 4. eta 6. zenbakien aldeko eremuan. Lanek hiruzpalau egun iraungo dute, eguraldiak laguntzen badu, kalearen zati hori asfaltatzeko. Lan hauek behar bezala gauzatu ahal izateko, ezinbestekoa izango da Aragoa kaleko aparkaleku gehien-gehienak libre uztea.
Aragoa kalean behin asfaltatze lanak amaituta, seinalizazio horizontala margotzeko lanak egingo dira. Bigarren fase honek beste bizpahiru egun beharko ditu; betiere, eguraldi baldintzak egokiak badira.
Aparkaleku gehienak hustu beharra
Asfaltatu behar den eremuko aparkalekuez gain, kaleko gainerako aparkaleku gehienak ere hustu beharko dira, lanak erraztu eta segurtasuna bermatzeko. Gainera, asfaltatze lanek irauten duten bitartean, ezingo da ibilgailurik sartu edo irten kaleko garajeetatik. "Herritarrei aldez aurretik eskertzen zaie ulermena eta lankidetza, eragozpenak ahalik eta txikienak izan daitezen eta lanak aurreikusitako epean amaitu ahal izateko", adierazi dute Udaletik.
