Hileko hirugarren zapatu guztietan legez bertako produktuen eskaintza zabala izango da Seber Altube plazan, herritarren eskura: elikagai freskoak, garaiko produktuak eta kalitatezko artisau-lanak. Guztira hamalau postu eta hiru artisau elkartuko dira, askotariko produktuekin, eta Errioxatik etorriko den ekoizlea ere han izango da.
Otsaileko azokan ez dute ekintza osagarririk antolatu; hala ere, ohikoa den bezala, bertako
produktuekin osatutako otarra zozketatuko dute erosleen artean.
Herritarrak azokara gerturatzera animatu ditu Udalak: "Tokiko ekoizleak babesteko eta kalitatezko produktuekin goza dezaten".
Hurrengo hilabeteetako azokak eta tailerrak:
- Martxoak 21: Karapaixo azoka berezia eta tailerra.
- Apirilak 18: Tailerra: gluten gabeko gozogintza.
- Maiatzak 16: Lore eta landare azoka berezia eta landara banaketa.
- Ekainak 20: Tailerra: etxea eta arropa garbitzeko xaboia.
- Uztailak 18: Tailerra: udako sukaldaritza freskagarria.
- Irailak 19: Tailerra: pizza sasoiko produktuekin.
- Urriak 17: Sagar azoka berezia eta dastatzea.
- Azaroak 21: Baba-dastatzea.
