Otsailaren 19tik martxoaren 19ra Kulturateko klaustroko hormek Aritz Gordok urte hauetan egindako lana erakutsiko dute. "Iaz Oñatin erakusketa jarri nuenean mendian zentratu nintzen, mendiko argazkien gaineko erakusketa bat izan zen. Eta, Arrasateko Udaletik erakusketa egiteko proposatu zidatenean hasieran zalantzak izan nituen, lana delako. Baina, konturatu naiz 25 urte egingo ditudala argazkilari moduan, eta bada kontuan hartzeko moduko urteurren bat. Hasiera batean etxean 45 argazki aukeratu nituen, eta Jon Garairekin batera horietatik 35 aukeratu genituen".
Aritz Gordo argazkilari arrasatearrak Argia ematen denean izeneko erakusketa jarriko du eguenean, hilak 19, Kulturaten, eta lanak hilabetez egongo dira ikusgai, martxoaren 19ra arte: "Argiaren bila ibiltzen naiz, gauez mendira joan eta egunsentiaren zain, eta horretan oinarritu naiz erakusketa egiteko. Gainera, saiatu naiz argazkien atzean dagoen lana erakusten".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak