Azken urteen antzera, aurten ere, Debagoieneko gazte guztiek har dezakete parte, LH5 mailatik hasi eta batxilergoko edo erdi mailako heziketa zikloetako bigarren mailara arte. Lanak aurkezteko epea martxoaren 18an bukatuko da, eta gazteek, adinaren arabera, hiru lehiaketa dituzte aukeran:
- LH5etik DBH2ra arteko mailetakoek, narrazioa, bertso-paperak eta ilustrazioa.
- DBH3tik aurrerakoek, mikroipuina, poesia eta komikia.
Edizio honetan ere, hiru sortzaileren kolaborazioa izan dute antolatzaileek lehiaketetako oinarriak prestatzerako orduan: Helena Azkarragaurizar Jauregi diseinatzaile eta marrazkilaria, Olatz Zuazubiskar ilustratzailea eta iaz narrazioa ataleko irabazlea izan zen Ekai Arri Elortza gaztea: "AEDtik eskerrik beroenak hiruei". Argibide gehiagorako bloga dute AEDkoek: https://arrasateliteraturlehiaketak.wordpress.com/