Garaipen erosoa lortu dute arrasatearrek Donostiako taldearen aurka; izan ere, une oro aurretik izan dira markagailuan eta aurkariek ez diete zailtasun handirik jarri etxekoei. Erasoan argi eta eraginkor ibili dira arrasatearrak, eta defentsan erakutsitako indarrak balio izan die garaipena etxean gelditzeko.
Bolada onean
Atletico San Sebastian taldearen aurkako garaipenarekin, hirugarren garaipena erdietsi dute jarraian arrasatearrek, eta bigarren itzuliko sentsazio onekin jarraitzen dute. Datorren asteburuan ere Mojategin jokatuko dute Uribealdea taldearen aurka.