Parkean antolatutako ekimenaren helburua da enpresetan talentuaren kudeaketak dituen erronka nagusiak ikuspegi estrategikotik lantzea. Orekan Bizi eta Ngloba Strategy-ren laguntzarekin antolatu da jardunaldi zikloa, eta profesionalen arteko ezagutzaren trukea, konexioa eta berrikuntza sustatzea du xede.
Lehen jardunaldian, estresa nola bihur daitekeen enpresen estrategiarako muga garrantzitsu aztertu zen, behar bezala kudeatzen ez denean. Saioak ikuspegi praktiko eta aplikatua eskaini zuen, gaur egungo lan inguruneetan gero eta presenteagoa den errealitate bati erantzunez.
Jardunaldi guztiak otsaileko eguaztenetan egingo dira, 9:00etatik 11:00etara, Garaia Parke Teknologikoan. Parte-hartzea doakoa da eta interesa duten pertsona guztientzat irekia. Izen-ematea webgunean egin daiteke. Hona hemen egitaraua:
- Otsailak 11: Adinkeria eta emakumeen talentua enpresaren etorkizuneko motor bikoitza.
- Otsailak 18: Talentu seniorra eta alderantzizko mentorizazioa palanka estrategiko gisa.
- Otsailak 25: Nola kudeatu tentsioa sortzen duten elkarrizketak.
Garaia Parke Teknologikoak, berrikuntza eta ezagutzaren transferentziarako ekosistema gisa, jardunaldi ziklo honen bidez talentuaren kudeaketa enpresen estrategiaren erdigunean kokatzen lagundu nahi du, lurraldeko enpresa sarearen lehiakortasuna indartzeko helburuarekin.