Urtarrilaren 30ean txartel gehiago salduko dira Arrasateko Aratuste-zapatuko bazkari herrikoirako

Arrasateko Haur eta Guraso Asanbladak aditzera eman duenezAratuste-zapatuan Uarkape pilotalekuan egingo den bazkari herrikoirako txartel gehiago salduko dituzte urtarrilaren 30ean BAZ atarian, 17:30etik aurrera: "Salgai jarri ziren txartelak oso azkar bukatu zirela ikusita hartu dugu erabakia". Bi motatako txartelak salduko dira –paellarakoak edo nork bere janaria eramatekoak–, udal pilotalekuko edukiera edo aforoa bete arte.