Hilaren 19tik 23ra ospatu da Brasilen MSTren topaketa nazionala eta bertan izan dira Brasilgo eskualde guztietako militanteak. Baita Mundukideko eta ASETTeko ordezkari batzuk. Eztabaida politikoak, eraketa ideologikoa eta ekitaldi kulturalak izan dira, besteak beste.
Egin zuten bilkura nagusian, MSTko buruzagi nagusiak, João Pedro Stedilek, nabarmendu zuen Mundukide azken 20 urteetan "etengabe" egon dela mugimenduaren egitura kooperatiboaren garapenean eta sendotzean "funtsezko zeregina" izan duela. Era berean, Herri Nekazaritzaren Erreformaren alde eta nekazaritzaren ekoizpen-eredu "iraunkor eta burujabe bateranzko estrategia kolektiboak" sakontzeko beharra azpimarratu zuen.
Mundukidetik adierazi dute lan hori eta "milaka nekazari txikiren bizitzetan duen eragin handia" ezin izango zela posible izan, Mundukide osatzen duten kooperatiben laguntzarik gabe: Mondragon, Fagor, Danobat, Ulma, Maier, Batz, Orona, Irizar, Eroski, MU, Mapsa, Orkli eta GKEak, zein laguntzen dituzten beste kooperatiba eta erakundeen babesik gabe.