Asteburu honetan lehiatu dira Arrasate Atletiko taldeko atletak Anoetako belodromoan, eta emaitza bikainak eskuratu dituzte Gipuzkoako txapelketan. 60 metroko proban, Ane Del Fresnok bigarren postua lortu zuen 7,94 segundoko denborarekin. Marka horrekin, gainera, taldeko errekor berria ezarri zuen.
Horrez gain, aurreko astean Espainiako 200 metroko txapelketara sailkatu ostean, S23 kategorian, Oihan Zuluetak 6,99 segundoko denboran zeharkatu zuen helmuga, eta emaitza horri esker Espainiako S23 Txapelketan parte hartzeko txartela eskuratu du. Txapelketa otsailaren 7an eta 8an jokatuko da Sabadellen.
Zapatuko proba berean, Aitor Urangak 7,13ko denbora egin zuen, eta Ander Oterok, 7,24; azken honek, gainera, bere marka pertsonala hobetzea lortu zuen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.