Urtero legez, Musakola auzoan hasiko da ludoteka ibiltaria, nahiz eta aurtengo elkargunea San Isidro plaza izango den. Hezitzaileen bide laguntzaz eta material zein baliabide ezberdinak parte hartzaileen eskura jarriz bi orduz ludotekaz gozatzeko aukera egongo da.
Egitasmoan 3-12 urte bitarteko ume eta aurre-nerabeek parte hartzeko aukera izango dute, baita haien guraso edo arduradunek ere: "Ekintzak parte hartzaileekin batera adostu eta denen gustukoak antolatzen saiatuko gara. Auzo ezberdinetan, aisialdi hezitzaile euskaldunaz gozatzeko aukera paregabea da ludoteka ibiltaria. Sormena garatzeko, harremanak egiteko, parte hartzea sustatzeko, naturarekin harremantzeko eta beste hainbat helburu hezitzaileri bide emanez".
Musakola auzoan hasiko da ludoteka ibiltaria, ondoren Erguin auzora mugituko gara eta Txaetako plazan emango diogu amaiera. Hona hemen Txatxilipurdik prestatu duen egitaraua:
- Musakola auzoan: urtarrilak 31, otsailak 7, 14 eta 21. Ordutegia: 11:30-13:30
- San Andres auzoan: otsailak 28, martxoak 7, 14 eta 21. Ordutegia: 11:30-13:30
- Txaetako plaza: martxoak 28 eta apirilak 18 eta 25. Ordutegia: 11:30-13:30