Bigarren itzuliko lehen partida izango da. Denboraldiko lehen jardunaldian Santutxun galdu eta gero, hamabi garaipen jarraian lortu zituzten arrasatearrek lehen itzulian. Egun, Mondragon Unibertsitateak partida bat gehiago irabazi du, eta horrek puntu bateko abantaila ematen dio Bizkaiko taldearekiko. Domeka arratsaldeko 18:00etako partida denboraldiko erabakigarrienetakoa izan daiteke Euskadiko Bigarren Mailan, etxekoek bigarren itzulia bikain hasteko aukera baitute zaleen aurrean.
Beheko postuetako lehia
Bergara KE Soraluzek norgehiagoka garrantzitsua jokatuko du Easo Basket taldearen aurka, zapatuan, 16:00etan, Donostian. Bi taldeak sailkapeneko beheko postuetan iristen dira neurketara: Bergara azken hirugarren eta Easo azken bigarren. Mahoneroak bi puntuko aldearekin postu bat gorago daude sailkatuta eta abantaila handitzeko helburuarekin kantxaratuko dira bihar. Puntuekin etxera itzulita, taldeak arnasa hartuko luke, sailkapenean Loiolarekin berdinduta, eta atzeko postuetatik urrunduz.