Arratsaldeko seietatik zortzietara bitartean egingo da solasaldia, eta Alex Gurrutxaga idazle eta unibertsitateko irakasleak dinamizatuko du saioa. Bertan izango da Anjel Lertxundi idazlea, eta liburuaren inguruan Lertxundirekin berba egiteko aukera "berezia" dela azaldu du Asun Agirianok, Udal Liburutegiko zuzendariak. Liburuak itzulpengintza gaiak jorratzen ditu hiztegi bat izango balitz bezala, eta Agirianok adierazi du irakurtzeko "oso egitura atsegina" duela eta "irakurketa iradokitzailea" dela.
Literatura solasaldia 16 urtetik gorako edozein irakurlerentzat zuzenduta badago ere, Agirianok azaldu du liburu aproposa dela zer irakurri ez dakienarentzat, euskal literaturaren inguruan interesa duenarentzat, euskaran sakondu eta hizkuntza aberastu eta gozatu nahi duenarentzat eta kultura edo hizkuntzarekin konpromisoa duenarentzat.
Izen-ematea, zabalik
Literatur solasaldietan "ateak edonorentzat zabalik" daudela nabarmendu du Agirianok, bai eta aurretik saioetan parte hartzeko, izenik eman gabe.