Urtebeteko isilunearen ondoren, martxoan argitaratu zuten Atea izeneko lan berria. "Disko osoan zehar amorru-oihuak eta sistemaren aurkako itomena islatzen dira; izan ere, gure munduaren kronika labur bat da, eta gitarraren erritmo biziek existentzia gris honetan dantzatzen hasteko gonbita egiten dute", azaldu dute proiektuaren bultzatzaileek.
Bikotearen bosgarren lana da hori, eta, ibilbidean zehar argitaratutako beste diskoetako kantuei ere tokia eginda, zuzenean entzuteko aukera izango da urtarrilaren 8an, 22:00etan, Arrasateko gaztetxean; ohi bezala, sarrera zazpi euro da.
Hurrengo kontzertuak
Iraganeko (Pasaiako) NaizRoxa eta (Gasteizko) Vicepresidentes taldearen batuket den Naizpresidente taldeak hartuko du lekukoa Arrasateko gaztetxeko agertokian urtarrilaren 15ean; Cobra taldea izango da urtarrilaren 22an eta Arima Soul taldeak borobilduko urtarrileko Kooltur Ostegunak egitaraua, urtarrilaren 29an.