Neguko domeka arratsaldeetan familiei denbora eta espazio bat modu ludikoan eskaintzea helburu hartuta, badator Familian Jolasean ekimena. 0-8 urte arteko haurrak dituzten familiek elkar ezagutzeko eta elkarrekin jolasteko aukera bat ematen du ekimenak, "aniztasuna kontuan hartuta eta euskararen transmisioaren garrantzia azpimarratuta", Txatxilipurdiko kideek azaldu dutenez.
Asmoa da neguko domeketan espazioa eta denbora familiei, elkarrekin partekatzeko jolasa eta kalitatezko aisialdi hezitzailea. Modu horretan, Txatxilipurdiko bi hezitzaileren laguntza egongo da, saioak dinamizatzeko eta familiek behar duten informazioa emateko.
Urtarrilaren 11n hasita, domeka guztietan elkartuko dira, 17:30etik 19:30era. Saio gehienak Okendoko ludotekan izango diren arren, otsailaren 22koa Santa Marinan izango da eta martxoaren 22koa, Usaetxen.
