Urtarrilaren 5ean, astelehenean, jasoko dute arrasatearrek hiru Errege Magoen bisita, eta kalera desfilean atera aurretik, Iturbide egoitzara joango dira 17:00etan, han izango diren adineko pertsonei opariak banatzera.
Iturbiden opariak utzi ostean, 19:00etan, aterako dira kalera eta Arrasate Pasealekutik herriko hainbat kale zeharkatuta 20:00ak aldera iritsiko dira herriko plazara. 20:30ak aldera arte hantxe izango dira Meltxor, Gaspar eta Baltasar haurrei ongi etorria egin eta gutunak jasotzen. Hator, Hator gabon-kanta abestuz amaituko dute eguna.