Mondragon Talde barruan hainbat ardura postuetan egondakoa, 2012an hartu zuen erretiroa, Lagun Aro EPSVko Lehendakari zela. Haren gertukoek "kooperatibista konbentzitu" moduan definitu dute, eta hain zuzen, bertatik bertara bizi izan zituen 2009an Lagun Arotik abian jarri zituzten pentsioen sistema mistoan egindako erreformak, mutualistei segurtasun handiagoa emateko eta Europako araudira egokitzeko helburuaz.
Behin erretiroa hartuta, 2017an, Lagun Aro kooperatibaren 50. urteurren ekitaldian omendutako lagunetako bat izan zen Ajuria, Roman Balantzategirekin, Jesus Goienetxerekin, Juan Migel Larrañagarekin, Juan Domingo Gaztañagarekin, Eduardo Aranarekin, Jose Maria Ormaetxearekin eta Alfonso Gorroñogoitiarekin batera.
Hala, gaur, hilak 31, egingo dute Jose Antonio Ajuriaren aldeko hileta elizkizuna, 19:00etan, San Juan Bataiatzailea parrokian.
