Argitaratu berri duen Lurra ikutu barik diskoa izan zuen boskoteak abiapuntu eta emanaldiaren oinarri nagusi, errepertorioan tokia eginda baina, besteak beste, Martin Larralde eta Zaindu maite duzun hori kantu kuttunei. Ohi duen bidetik, kontzertu gozoa egin zuten Oñatiko musikariak eta haren taldeak, emanaldiaren erdian ezusteko txiki bat izan bazuen ere; kontzertua eten egin behar izan zuten minutu batzuetan, Ordorikak izan zuen zorabio txiki baten eraginez, baina segituan bere onera etorri eta kantuan jarraitu zuten ikusleen txalo artean.
