Ordutegi berria jasota dago Iratxe Lopez de Munain marrazkilariak diseinatutako 2026ko irakur puntu koloretsuan, eta Udal Bibliotekaren webgunean ere kontsulta daiteke.
Bestalde, urtero bezala, neguaren atarian, bailarako udal liburutegiek elkarlanean liburu gomendioen gida argitaratu dute. Aramaio, Aretxabaleta, Arrasate, Bergara, Elgeta, Eskoriatza, Legazpi eta Oñatiko liburutegien arteko lankidetzari esker osatutako gidak, aurten ere, Helena Azkarragaurizar marrazkilariaren diseinua du, eta "itxura zaindu eta erraz identifikatzekoa" dauka.
Gidak haur, gazte, zein helduentzako liburu eta filmen proposamenak biltzen ditu, adinaren arabera sailkatuta. Azken nobedadeak ardatz hartuta, 50 aukera aurkezten dituzte, bailarako liburutegietan eskuragarri daudenak.