LABen hitzetan, "Etxebizitzarekin negozioa egiten dutenek etekinak handitzeko neurriak hartuko dituzte", eta EAJ eta PSE seinalatu ditu "patronalarekin lerratzeko erabakia" hartu dutela esanez. Halaber, LABen arabera,"ez dute etxebizitza prezioak jaisteko neurri bakarra onartuko", eta gaineratu dute, lege berriak ez duela neurririk zehazten "hutsik dauden etxebizitzak mobilizatzeko presio fiskalaz, negozioa egiteko bahitutako pisu turistikoez eta sasoiko alokairuez". Hori salatzeko, honako mezua dakarren pankarta jarri dute Arrasateko Batzokian eta PSEren egoitzan: Etxebizitza patronalaren lege honi ez! PNV-PSE vuestra ley es un modelo de fracaso.
PSE-EEren egoitzan LABek jarritako pankarta. (Argazkia: LAB)
Batzokian jasotako "erasoa"
Arrasateko EAJ "gaitzespenik irmoena" helarazi du LABen ekintzaren ostean, eta gogorarazi du "ezein desadostasun politikok ez duela justifikatzen jazarpena eta larderia". LABek Batzokian jarritako pankartak "mezu iraingarriak eta seinalatze politikoa" dituela esan dute EAJtik. Halaber, azpimarratu nahi izan dute, "Batzoki bati eraso egitea aniztasunari, askatasunari eta demokraziari erasotzea" dela.