Ana Goitia kazetari eta umorista lekeitiarrak Katana izeneko bakarrizketa egingo du Kooltur Ostegunen baitan datorren eguenean, abenduak 11. 22:00etan izango da, gaztetxean, ordubete inguru iraungo du saioak eta zazpi euro balio du sarrerak.
Bakarrizketak normalean konturatzen ez garen gauzetan jarriko du arreta; gaur egungo musika eta marketina, sold out-aren moda, gurasoak eta umeak kontzertuetan egotearen moda, lodifobia... Egunerokotasuneko gaiei buruz ariko da Goitia.
2020an hasi zuen Goitiak bere umorista ibilbidea, Barre librea bakarrizketarako haren lehenengo saioa eginda. Ordutik hona herriz herri ibili da bakarrizketak egiten. Iaz aurkeztu zuen, hain zuzen, Katana bakarrizketa luzea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.